Deseño de sistema visual e conceptual para a ficticia candidatura da cidade herculina como sede olímpica no ano 2028.

A Torre de Hércules convértese na guía para construír todo o sistema gráfico. A partir da sua lente, créase unha retícula que, explorando as súas posibilidades de construción e deconstrución, dá lugar a todos os elementos da identidade visual:  tipografía, pictogramas e recursos gráficos. Creando un sistema escalable e interactuable para os equipos de deseño.

Do mesmo xeito que a Torre de Hércules leva séculos proxectando a súa luz sobre o horizonte para guiar aos mariñeiros ata a costa, a antorcha olímpica convértese tamén nun faro en movemento. A súa chama atravesa fronteiras, culturas e territorios, unindo pobos distintos nun mesmo lugar. 

A Coruña convertese nun espazo de convivencia, solidariedade e intercambio cultural. Un punto no mapa onde diferentes camiños conflúen iluminados por unha mesma luz.